Esti xueves, 8 de febreru, celebramos nel IES el IV Concursu de postres tradicionales asturianos con un conxuntu de 35 llambionaes a cuala más rica, tartes de quesu, d’ablana, de nuez, de manzana, moscovitas, marañueles, casadielles, borrachinos, mantecáu d’avilés, tarta de zanahoria y coco…
Los premiaos na categoría de tartes y pasteles fueron: Naiara Santos Barbas (primer premiu) con una tarta la güela, Nicolás Claverol González (segundu premiu) cola so tarta d’ablana y nuez y Gerardo Fernández Cimadevilla (tercer premiu) con tarta d’almendres. Na categoría de frixuelos, galletes, borrachinos y arroz con lleche, llevó’l primer premiu Nenyure Llames Cuesta con unes galletines d’ablana, Víctor Álvarez Huerdo (segundu premiu) con muñuelos y Marcos Huerta Ruiz (tercer premiu) con unos frixuelos rellenos d’arroz con lleche.
¡Norabona a toos pol trabayu fechu!